› 選擇地區
三藩市
紐約
洛杉磯
其他美國地區

中環在線:
十六浦有條老千靚相通道 - 李華華

財經要聞 

馬浩文話賭場之間有互相通報黑名單人士嘅機制。

早前金沙中國(1928)旗下新賭場巴黎人驚現「女賭神」,贏走賭場過億銀,成為港澳兩地一時熱話,其他澳門賭場自然關注女賭神芳蹤,大家都唔希望女賭神「幫襯」,實德環球(487)副主席馬浩文(Hoffman)都話「好彩」,公司有份嘅十六浦索菲特大酒店暫時未見過呢位女士出現。
講起賭神,佢哋可能真係記憶力驚人,精於算術同賭術,不過個別其實只係老千一名。Hoffman當然見識過老千真面目啦。

方便員工認人

佢透露,十六浦以前曾經捉過兩個老千,佢哋主要利用電腦科技出千,即係一個人喺賭場內,透過耳機將出過嘅牌,通水畀場外嘅拍檔,拍檔就用電腦做記錄,再計出跟住出乜牌嘅機率,從而贏錢。佢話,雖然嗰次捉到人,但最後告唔入,賭場已經將兩人列入黑名單。
講開黑名單,正所謂道高一尺、魔高一丈,原來賭場之間有互相通報黑名單人士嘅機制之外,馬浩文仲有一條好計方便員工認人。
Hoffman話,十六浦有條好長好長嘅員工通道,牆上掛滿所有黑名單人士嘅大頭相,員工每日返工放工經過,日對夜對,想唔記得都難!

李華華
mailto:LiWaWa@AppleDaily.com