› 選擇地區
三藩市
紐約
洛杉磯
其他美國地區

中環在線:
中銀撞聾RoBOC答客問 - 李華華


中銀中環分行門口放咗個機械人,識得跳舞。

銀行興搞數碼化,中銀香港(2388)亦跟潮流,喺中環分行門口放咗個機械人「RoBOC」,負責答客戶簡單問題。如果大家排隊排得耐,都可以叫佢跳part開心舞娛樂吓。
RoBOC識聽廣東話、普通話同英文,理論上問恒指市況、外匯、定期存款利率等等,佢都有能力答到。不過,噚日華華實測過,RoBOC似乎有啲撞聾,成日聽錯人問乜,都係搞笑居多。
好似問佢恒指收幾點,佢就答咗分行營業時間,要華華大聲清楚講「恒生指數」先成功答啱,而且要等成10秒佢先有反應,反而表演跳舞就幾過癮。目前RoBOC只此中環分行一家陪大家。
另外,呢間分行仲可以用指靜脈生物認證服務,即係透過每個人手指嘅獨有脈搏,代替簽名同密碼,幾high tech㗎。